Камолиддин Тожиев: "Ўзгаришлар вақтида қилинди деб ўйлайман"
"Бунёдкор" билан дербидан сўнг Камолиддин Тожиев беллашув хусусида фикрларини айтиб ўтди.
Тожиев: - Ўйинни яхши бошладик. Биринчи бўлимнинг ўзида уч гол уриб, ҳисобни йириклаштирдик. Иккинчи бўлимда хотиржамликка берилдик ва дастлабки 20 дақиқада ўйнашдан тўхтаб қолдик. Кейин яна вазиятни ўнглаб, имкониятларга эга бўлдик. Баҳс якунида тўртинчи гол билан ғалабани мустаҳкамладик. Ўзгаришларни вақтида қилдик деб ўйлайман. Кубок финалидан кейин баъзи футболчиларга дам бердик ва бугун улар захирадан тушишди.
Мавсум якунигача курашишда давом этамиз. Ўз ўйинларимизни ютсак, кейин вазиятга баҳо берамиз.
