"Пахтакор" U-21 лигасида 11-бор чемпионга айланди!
Ёшлар жамоамиз биринчиликнинг 28-турида "Қўқон-1912"дан устун келиб, ушбу лигада 11-бор чемпионликка эришди.
Бунгача "Пахтакор" 2002, 2003, 2004, 2005, 2006, 2010, 2012, 2018, 2023 ва 2024 йилларда U-21 лигасида мавсумни энг юқори поғонада якунлаганди. Бу сафар эса 11-чемпионлик қўлга киритилди. Ушбу кўрсаткич бўйича ҳам"Пахтакор" рекордчи саналиб, 7 чемпионликка эга "Нефтчи" билан фарқни катталаштирди.
Мавсумни барқарор ўтказган "Пахтакор" ёшлар жамоаси чемпионликни ўзида сақлаб қола олди. Кетма-кет учинчи йил чемпионлик бизда қолди. Ушбу муваффақият қўлга киритилишида клуб раҳбариятидан тортиб академия ходимларининг хизматларигача эътироф этиб ўтиш лозим. Бруну Карвалью ва Шуҳрат Бўриев бошчилигидаги жамоа мавсумни ажойиб нотада якунлади.
"ҚЎҚОН-1912" - "ПАХТАКОР" 1:7
Ҳакамлар: А.Қосимжонов, Ш.Аъзамов, А.Исоқов.
"Қўқон-1912": Хўжаев, Паҳлавонов, Нўъмонов, Тўйчиев, Мухторов, Юсуфжонов, Йўлдошев, Маматов, Валиев, Мунавваров, Ҳошимов.
"Пахтакор": Маматов, Анваров, Тўлаганов, Дилшодбеков, Эрманов, Олимов, Зуҳриддинов, Мирқобилов, Маъруфалиев, Каримов, Ўктамов.
Захира: Ҳикматов, Одилов, Ибодуллаев, Сайдалиев, Меҳмонов, Агаев, Аҳмедов, Ўринбоев.
Голлар: Нўъмонов 39 - Тўлаганов 6, Ўктамов 21-пен, 58, Мирқобилов 37, Олимов 44, Аҳмедов 76, Ўринбоев 87.
