Превью. "Хоразм" - "Пахтакор"
Суперлига 26-турида "Шерлар" 15 йиллик танаффусдан кейин Хоразмга ташриф буюради.
Чемпионатлар доирасида жамоалар 17 бор тўқнаш келиб, уларнинг 12тасида "Пахтакор" ғалаба қозонган. 3 ўйинда дуранг, 2 баҳсда рақиб ютуғи қайд этилган. Жамоамиз 36 тўп киритиб, 11 гол ўтказиб юборган. Хоразмдаги беллашувларда 5 ғалаба, 2 дуранг ҳамда 1 мағлубият кузатилган. Мезбонлар дарвозаси 17 бор ишғол қилиниб, 6 тўп ўтказилган. Ўзаро ўйинлардаги энг йирик натижа 2006 йил қайд этилиб, унда "Пахтакор" 9:1 ҳисобида муваффақиятга эришган.
Ҳожиакбар Алижонов бўлажак беллашувни сариқ карточкалар дисквалификацияси туфайли ўтказиб юборади.
"Хоразм" ва "Пахтакор" ўртасидаги ўйин 23 октябрь, пайшанба куни "Хоразм" спорт мажмуаси стадионида соат 18:00да бошланади.
