Камолиддин Тожиев: "Охиригача курашганимиз ғалаба олиб келди"
"Сурхон"га қарши учрашувдан кейин бош мураббий Камолиддин Тожиев матбуот анжуманида фикрларини билдирди.
- Биринчи бўлимда ўйинимиз унчалик чиқмади. Охирги пайтларда кетма-кет қийин баҳслар ўтказдик. Кўплаб футболчилар дам олмасдан майдонга тушмоқда. Шу сабабли бугун ўзгаришлар қилдик, баъзи ўйинчиларга дам бердик. Иккинчи бўлимда яхшироқ ҳаракат қилдик ва бир неча имкониятларга эга бўлдик. Йигитлар охиригача курашишди, натижада ютуқ келтирган голни уришга муваффақ бўлдик.
Навбатдаги турга одатдагидек ҳозирлик қиламиз. Бу чемпионат беллашуви бўлади, кубок финалигача вақт бор. Ҳеч нарсани беркитиб ўйнамаймиз, чунки мавсум давомида барча бир-бирини ўрганиб боради.
