"Пахтакор" 18-бор Ўзбекистон Кубоги финалига йўл олди
Кубок ярим финалида пенальтилар сериясида жамоамиз "Динамо"ни пенальтилар сериясида мағлуб этди. Ўйин ҳар икки томоннинг ҳужумлари остида ўтди, лекин дарвозани ишғол қилишга яққол имкониятлар жуда кўп юзага келтирилмади. Эҳтиёткор футбол асосий ўринга чиқди. "Шерлар"дан Ибрагимов, Ресан, Сергеевнинг уринишлари хавфли бўлди, аммо зарбалар ноаниқлиги ва рақиб посбонининг ишончли ҳаракати гол бўлишига йўл қўймади. Меҳмонлардан Абдураҳмонов ҳамда Ҳожимирзаевнинг аниқ зарбаларини Назаров бартараф қилди.
Ғолиб номи пенальтилар ёрдамида аниқланди. Унда Назаров Ҳожимирзаев тепган тўпни қайтарди, Станоевич эса тўсинни нишонга олди. Футболчиларимиз барча зарбаларни аниқ амалга оширишди. Серияда 4:2 ҳисобида ғалаба қозонган "Пахтакор" 29 октябрь куни Андижонда ўтказиладиган финал баҳсига йўлланмани қўлга киритди. Унда "Бухоро"га қарши Кубок учун кураш олиб борамиз.
"ПАХТАКОР" - "ДИНАМО" - 0:0 (пенальтиларда 4:2)
25 сентябрь. Тошкент. "Жар" стадиони. 4317 томошабин.
Ҳакамлар: Д.Раҳмонов, С.Шоюсупов, А.Цапенко, А.Шукуруллаев.
ВАР: И.Исмоилов.
АВАР: А.Сидоров.
Назоратчи: М.Саидқосимов.
Комиссар: Ш.Ражабов.
"Пахтакор": Назаров, Алижонов (Адҳамзода, 106), Абдумажидов, Таҳсин (Ҳамралиев, 77), Саитов, Бўриев, Собирхўжаев (Риаскос, 106), Ибрагимов, Турғунбоев (Ҳамдамов, 77), Ресан (Эркинов, 95), Сергеев.
"Динамо": Неманов, Ўрозов, Феррейра, Қодирқулов, Ҳожимирзаев, Фрайдей (Ҳалилов, 120), Кучеренко, Жумабоев, Абдусаломов (Станоевич, 106), Абдураҳмонов (Облақулов, 95), Плетнёв (Ўрмонжонов, 88).
Огоҳлантиришлар: Ўрозов, 36. Бўриев, 51. Адҳамзода, 107. Абдумажидов, 117.
Пенальтилар серияси: Станоевич, 0:0 (тўсин). Сергеев, 1:0. Жумабоев, 1:1. Бўриев, 2:1. Ҳожимирзаев, 2:1 (дарвозабон). Ҳамдамов, 3:1. Ҳалилов, 3:2. Ибрагимов, 4:2.
