Пётр Пажишек - "Пахтакор" футболчиси!
Жамоамиз польшалик ҳужумчи билан шартнома имзолади. 32 ёшли футболчининг охирги жамоаси Финляндиянинг "КуПС" бўлганди. У эркин агент сифатида сафимизгак келиб қўшилди. Пажишек фаолияти давомида Голландиянинг "Де Граафсхап", "Зволле", "Эммен", Англиянинг "Чарльтон", Бельгиянинг "Сент Труйден", "Моленбеек", Даниянинг "Рандерс", Польшанинг "Пиаст", "Погон", Италиянинг "Фрозиноне", Испаниянинг "Леганес" клубларида ҳам ўйнаган. Польша ва Финляндия чемпионатларида "Пиаст" ҳамда "КуПС" клублари билан ғолиб бўлган.
Ҳужумчи собиқ жамоаси сафидаги сўнгги голини УЕФА Конференциялар лигасининг сўнгги турида сафарда "Кристал Пэлас" дарвозасига киритганди.
Умид қиламизки, Пажишек жамоамиз муваффақиятларига ўзининг голлари билан ҳисса қўшади.
"Пахтакор"га хуш келибсан, Пётр!
