Клуб янгиликлари

Футбол мактаблари ўртасида республика биринчилиги баҳслари якунланди. Унда "Пахтакор" академияси тарбияланувчилари финалда Одил Аҳмедов академиясидаги тенгқурларидан устун келиб, мамлакат чемпионларига айланишди. Шу тариқа "Пахтакор" 2024 йилда ўсмирлар ва ёшлар даражасидаги ҳар уч мусобақа - U-16, U-19 ва U-21 чемпионатларида ғолиб бўлган жамоага айланди! Клуб раҳбарияти томонидан ёшлар ҳамда академияга берилаётган эътибор натижасида энг юқори уч тоифадаги мусобақаларда ғолиблик қўлга киритилди. Албатта, бу ютуқларда академия ходимларининг меҳнатларини ҳам эътироф этиш лозим. Яқин йилларда ушбу футболчилар жамоамиз ва ўзбек футболи юлдузларига айланишади деб умид қиламиз.