Клуб янгиликлари

Жамоамиз жаҳоннинг энг кучли клублари рейтингида ўз мавқеини анча яхшилаб олди.

Халқаро футбол тарихи ва статистикаси федерацияси (IFFHS) жаҳоннинг энг кучли 400 клублари рейтингини эълон қилди. Ушбу рейтингда "Пахтакор" 140-поғонада жойлашган. Жамоамиз ҳисобида 112 очко бор ва бу Осиёда кучли ўнликдан ўрин олишимизни таъминлади. "Садд" билан биргаликда "Шерлар" 6-7 поғонадан ўрин эгаллашган.

2018 йил "Пахтакор" ушбу рейтингда 394-ўринда бўлганди. Бир йил ичида жамоамиз 254 поғона юқорилашга эришди.

IFFHS 1991 йилдан бери ҳар ой клубларни баҳолаб келади. Рейтингда жамоаларнинг халқаро учрашувлари, миллий чемпионат ва кубокдаги натижалари 1/16 финалдан бошлаб қайд этилади.

Мамлакатлар бунда чемпионат кучидан келиб чиқиб, 4 тоифага ажратилади. Энг кучли лигалар клублари ҳар бир ғалаба учун 4 очкога эга бўлишади. Пастроқ савияли давлатлар жамоалари мос равишда ғалаба учун 3 очко жамғаришади.