Клуб янгиликлари

Ушбу санада "Пахтакор" ички ва халқаро ўйинларда майдонга тушган, Станислав Семёнов ва Андрей Якубик таваллуд топган.

1958 йил "Пахтакор" Тошкентда Хитойнинг Чанчун ҳудуди терма жамоасига қарши ўртоқлик ўйинида 2:2 ҳисобида дуранг қайд этган. Голлар Олег Моторин ва Виталий Виткалов томонидан урилган. 1981 йил Москванинг "Спартак" жамоаси билан энг ёдда қоларли баҳслардан бири бўлиб ўтган. Тошкентда жамоамиз номдор рақибдан 3:0 ҳисобида устун келган. Андрей Якубик, Марат Кабаев ва Ҳусан Бойматов гол муаллифларига айланган.

"Пахтакор" - Чанчун терма жамоаси - 2:2 (2:0). Тошкент. "Пахтакор" стадиони.

Голлар: Моторин 28, Виткалов 45 - Ли Гун Чжу 61, 65.

"Пахтакор" - "Уралмаш" - 1:0 (0:0). Тошкент. "Пахтакор" стадиони. 15000 томошабин.

Гол: Иноятов 69.

Пхеньян терма жамоаси - Пахтакор - 0:0. Пхеньян.

"Пахтакор" - "Спартак" - 3:0 (0:0). Тошкент. "Пахтакор" стадиони. 7940 томошабин.

Голлар: Якубик 58, Кабаев 68, Бойматов 90.

"Нефтчи" (Боку) - "Пахтакор" - 4:2 (3:2). Боку. Ленин номли стадион. 5150 томошабин.

Голлар: Қурбонов 17, Алиев 29-пен, 34, Аҳмедов 86 - Якубик 15, 24.

"Динамо" (Тбилиси) - "Пахтакор" - 1:1 (0:1). Тбилиси. "Динамо" стадиони. 14200 томошабин.

Голлар: Какилашвили 84 - Шквирин 40.

"Динамо" (Москва) - "Пахтакор" - 5:0 (4:0). Москва. "Динамо" стадиони. 9800 томошабин.

Голлар: Пудишев 1, Газзаев 5, 28, Аргудяев 15, 77.

"Пахтакор" - "Спартак" (Оржоникидзе) - 1:0 (1:0). Тошкент. "Пахтакор" стадиони. 28000 томошабин.

Гол: Синелобов 29.

"Навбаҳор" - "Пахтакор" - 2:0 (0:0). Наманган. Марказий стадион. 30000 томошабин.

Голлар: Қурбонов 47, Гамбаров 80.

"Машъал" - "Пахтакор" - 0:0. Муборак. Баҳром Вафоев номли стадион. 4011 томошабин.

Ушбу кунда "Пахтакор" тарихида катта из қолдирган футболчилар туғилган. Ҳимоячи Станислав Семёнов 7 мавсум давомида жамоамиз шарафини ҳимоя қилган. Жамоа илк ташкил этилган йиллари у "Б" ва "А" классида муносиб ўйинлари билан мухлислар хотирасида қолган.

Ҳужумчи Андрей Якубик эса "Пахтакор"да иккинчи ёшлигини бошдан кечирган. Жами 131 учрашувда у рақиб дарвозаларини 70 бор ишғол қилган. 1979 йилги ҳалокатдан кейин у фаолиятини жамоамизда давом эттирган. Голлари билан кўплаб ғалабаларга ҳисса қўшган Якубик "Пахтакор" тарихидаги энг яхши ҳужумчилардан бири саналади.

Станислав Семёнов – 24.08.1937 (ҳимоячи, "Пахтакор"да 119 ўйинда 6 гол, 1957-63)

Андрей Якубик – 24.08.1950 (ҳужумчи, "Пахтакор"да 131 ўйинда 70 гол, 1979, 1980-84) 

Эркин Жабборов – 24.08.1985 (дарвозабон, "Пахтакор"да 8 ўйин, 2009-10).