Клуб янгиликлари

Мавсумнинг ортда қолган биринчи қисмида "Пахтакор" стадионига мухлислар ташрифи яхши даражада бўлди.

Ушбу мавсумда "Пахтакор" Чемпионлар Лигасида уй ўйинларига ишқибозлар ташрифи бўйича Ғарбий минтақада учинчи ўринда жойлашган. Гуруҳ босқичида бир учрашувга ўртача 24972 нафардан мухлислар келган. Бу эса Эрон грандлари "Истиқлол" ва "Персеполис"дан кейин бизнинг минтақада энг яхши кўрсаткич ҳисобланади. Бутун Осиёда эса Чемпионлар Лигаси гуруҳ босқичида "Пахтакор" кучли бешликда турибди. Хитойнинг "Гуанчжоу Эвергранд" ва "Бейжинг Гоан" клубларида бу борада кўрсаткич яхшироқ.

Суперлигада эса Тошкентдаги 7 беллашувга жами 65774 ишқибоз ташриф буюрган. Бу бир баҳсга ўртача 9396 нафар мухлис келганини англатади. Биринчи даврадан кейин "Пахтакор" бу борада Суперлигада ҳам кучли бешликдан жой олган.