Клуб янгиликлари

2018 йил "Пахтакор"нинг уй ўйинларига ишқибозлар ташрифи сезиларли даражада ўсди.

Ўтган мавсум "Пахтакор" стадионида бўлиб ўтган 14 учрашувга жами 58903 нафар мухлис келганди. Бу бир ўйинга ўртача 4207 нафардан тўғри келганди. Энг кўп томошабин "Пахтакор" - "Олмалиқ" учрашувида кузатилиб, унда 11067 нафар ишқибоз ўйинни стадиондан кўрганди.

Бу мавсумдан учрашувлар тарғиботи ва клуб раҳбариятининг мухлислар билан фаол ишлашга эътибор қаратаётгани натижасида ишқибозлар ташрифи ўсганини кўриш мумкин. Уй беллашувларига ўртача 10893 нафардан мухлис тўғри келди. Бу аввалги йилга нисбатан ташриф 258 (2,58 баравар) фоизга ўсганини кўрсатади. Жами 174 293 нафар мухлис "Пахтакор"нинг уйдаги ўйинларини стадиондан кузатиб борган. Энг кўп ишқибоз 25 май куни бўлиб ўтган "Пахтакор" - "Бунёдкор" баҳсида кузатилган - 23456 нафар.

Суперлигада мухлислар тўплаш борасида "Пахтакор" "Навбаҳор" ва "Бухоро"дан кейин учинчи поғонани эгаллади.

"Пахтакор" футбол клуби бундан кейин ҳам учрашувлар олдидан турли кўнгилочар дастурларни ташкил этиш, ютуқли ўйинлар ўтказиш, ишқибозларга стадионда ўзларини қулай ҳис қилишлари учун барча шароитларни яхшилаш устида ишлашда давом этади.

Уйдаги ўртача мухлислар	Уйдаги мухлислар	Ўйинлар сони	Жамоа
15445	247117	16	НАВБАҲОР
13089	209424	16	БУХОРО
10893	174293	16	ПАХТАКОР
8625	137993	16	БУНЁДКОР
7831	125295	16	НЕФТЧИ
7281	116496	16	ҚИЗИЛҚУМ
6335	101359	16	ҚЎҚОН-1912
6155	98482	16	МЕТАЛЛУРГ
5809	92951	16	СЎҒДИЁНА
5608	89726	16	НАСАФ
5266	84256	16	АГМК
4264	68231	16	ЛОКОМОТИВ