Клуб янгиликлари

"Пахтакор" - "Металлург" учрашувига мухлисларни чорлаймиз!

Клуб янгиликлари

23 июль куни "Пахтакор" PEPSI Суперлиганинг 18-турида "Металлург"ни қабул қилади.

Ҳар икки жамоа турнир жадвалининг юқори поғоналари учун курашмоқда. Бу эса ўйиннинг кескин ўтишини таъминлаши кутилмоқда.

Беллашув "Пахтакор" стадионида 23 июль, душанба куни соат 20:00да бошланади.

Ўйинга ташриф буюрувчи ишқибозлар учун "Пахтакор" футбол клуби ажойиб совғалар тайёрлаган.

Учрашувдан аввал стадионга ташриф буюрадиган ишқибозлар эътиборига концерт дастури тақдим этилиши режалаштирилган.

Шунингдек, стадионларга оилавий ташриф буюрадиган мухлислар ва жажжи болакайлар учун бир қатор қизиқарли аттракционлар ташкил қилинади.

Танаффус пайтида омадли ишқибозлар 2 дона уяли телефон ютиб олиш имкониятига эга бўлишади. Футбол мухлисларини 23 июль куни "Пахтакор" стадионига чорлаб қоламиз. Стадионга келинг ва "Пахтакор"ни қўллаб-қувватланг!