«Пахтакор» 2018 йил ОЧЛда қатнашади
Ўзбекистон Кубоги финалидан сўнг "Пахтакор" 2018 йилги Осиё Чемпионлар лигасида иштирок этадиган бўлди.
Мусобақада жамоамиз чемпионатда учинчи поғонани қўлга киритган клуб сифатида қатнашади. Чемпионлар лигасининг кейинги мавсумига қуръа ташлаш маросими 6 декабрь куни Малайзиянинг Куала Лумпур шаҳрида бўлиб ўтади. Жамоамиз 30 январь куни Қатарда "Ал-Гарафа" клуби меҳмони бўлиши кутилмоқда.
