05-02-12
Бугун "Пахтакор"нинг Туркиядаги қароргоҳида туғилган кун. Кўп йиллар давомида мураббийлар штабида фаолият олиб бориб келаётган Анвар Рашидов ўзининг 51 ёшини қарши олди.
Футболчилар орасида Турсунович сифатида ҳурмат қозонган дарвозабонларимизнинг мураббийини, клубда ҳурмат қилмаган инсон йўқ ҳисоби. Барчанинг ҳурматини бирдек қозонган Анвар ака Рашидов "Пахтакор"нинг юзи даражасигача кўтарилди. Дарвозабонлик фаолиятининг асосий қисмини Зарафшонда ўтказган мураббий мана бир неча йиллардирки, жамоамиз посбонларини тарбиялаш билан банди. Игнатий Нестеров, Темур Жўраев, Никита Рибкин, Александр Лобанов ва Элдор Тожибоев каби дарвозабонларни "Пахтакор" учун тарбиялаган.
Клубимиз номидан Анвар Турсуновични туғилган куни муносабати билан табриклаймиз. Яна кўп йиллар давомида "Пахтакор" мухлислари ва шогирдлари бахтига бугунгидек тетик ва хушчақчақ юришларини тилаймиз.
|
