01-03-10
ОФК Чемпионлар лигасининг иккинчи тур баҳслари учун ҳакамлар гуруҳини эълон қилди. Унга кўра, Тошкентдаги "Пахтакор" стадионида жамоамиз ҳамда Саудия Арабистонининг "Ал Шабаб" клуби ўртасида ўтадиган беллашувни япониялик ҳакамлар гуруҳи бошқариб боради. Бош ҳакам Тожо Минору бўлиши кўзда тутилган. Унга қанотларда Наги Тошиюки ва Мияжима Казуширо ёрдам беради. Тўртинчи ҳакам эса тожикистонлик Равшан Эшматов.
Ҳакамлар ҳаракатини ҳиндистонлик назоратчи Д`Кошта Антони Жон баҳолайди. Учрашув комиссари Иордания қироллигидан Айман Моҳд Сауд Ҳароун бўлади. Эслатиб ўтамиз, "Пахтакор" ва "Ал Шабаб" жамоалари учрашуви 10 март куни Тошкент вақти билан соат 17:00да бошланади.
|
