23-08-10
2010 йилги мавсумда жамоамиз гол ўтказиб юбормаслик бўйича рекорд соҳибига айланди.
“Шўртан” 2:0 ҳисобида мағлуб этилган учрашувни қўшиб ҳисоблаганда охирги 5 учрашувда рақиблар футболчиларимиз дарвозаси томон йўл топа олишмаяпти. Албатта, бунга бутун жамоанинг ҳиссаси бор. Ҳар бир чизиқлар орасида уйғунлик кўзга ташлангандагина бундай ҳолатлар юз бериши мумкин. Ҳимоя чизиғига Акмал Холмуродовнинг келиб қўшилиши кўпчиликнинг тахминига терс ўлароқ жуда фойдали бўлди. Шунингдек, дарвозабон Эркин Жабборовнинг маҳоратини ҳам алоҳида таъкидлаш жоиз.
Охирги марта “Пахтакор” Қаршида “Насаф”га қарши кечган баҳсда гол ўтказиб юборган. Шундан кейин икки марта “Қизилқум”, “Насаф”, “Локомотив” ва “Шўртан” билан учрашувларда “шерлар” дарвоза дахлсизлигини сақлаб қолишган. Умид қиламизки, ушбу ёқимли серия ҳали давом этади.
2010 йилги энг яхши “қуруқ” сериялар Жамоа | Ўйин | Бошланган вақти | Тугаган вақти | Пахтакор | 5 | 13.06.2010 | ... | Насаф | 4 | 13.03.2010 | 12.04.2010 | Қизилқум | 4 | 22.05.2010 | 13.06.2010 |
|
