05-05-08
Марат КАБАЕВ (27.05.61.). Марат 15 ёшидаёқ мамлакат ўсмирлар терма жамоаси сафида қатор турнирларда иштирок этишга улгурганди. Футболчилик фаолиятини Термизнинг "Автомобилист" клубида бошлаган Кабаевга "миллионлар ўйини"нинг илк сир-асрорларини Владимир Матвеев ўргатган. Сурхон воҳасида омма тилига тушган футболчига 1980 йил "Пахтакор"дан таклиф тушади. Жамоадаги дебют учрашувини 28 сентябрь куни Львовнинг "Карпати" клубига қарши ўйинда ўтказган футболчи бир кун олдин ўринбосарлар баҳсида гол уришга эришганди. "Пахтакор"даги дастлабки гол ҳам ўзини узоқ куттириб қўйгани йўқ. Ўз мухлислари қаршисида "Таврия"га қарши ўйнаган тошкентликлар кичик ҳисобда ғалаба қозонишди, ягона гол эса Марат Кабаевнинг номига ёзилди.
1989 йилги мавсум аввалида футболчи кўрикдан ўтиш учун "Днепр"га йўл олди. Шквирин билан биргаликда жамоа машғулотларида иштирок этган Кабаев кутилмаганда жароҳат олди ва Тошкентга қайтишга мажбур бўлди. "Пахтакор"да бош мураббий Ф.Новиков билан келиша олмаган футболчи, омадини излаб Исроилга йўл олди. Янги жамоасида гол уришга муваффақ бўлган Кабаевнинг жароҳати яна унга ўзини тўлиқ кўрсатиши учун тўсқинлик қилди. Натижада Марат яна ортда, фақат Қозоғистонга қайтди. Қўшни юртдаги фаолият Кабаев учун омадли келди. Уч мавсум Павлодарнинг "Трактор" клубида сардор бўлган футболчи барча медалларни қўлга киритди. Фаолиятининг сўнгги йилларини Ўзбекистонда ўтказган Кабаев "Навбаҳор" ва "Самарқанд" жамоаларини шарафини ҳимоя қилган Марат 1995 йилги мавсумдан кейин бутсасини михга илди.
|
