Клуб янгиликлари

Футзал бўйича U-18 жамоалари тоифасида "Пахтакор" ёш футзалчилари Ўзбекистон чемпионига айланишди. Константин Свиридов шогирдлари жуда кескин кечган финал баҳсида Бухоронинг "Оил Стар" жамоаси устидан 4:3 ҳисобида зафар қучишди. Ярим финалда эса БМБ 3:2 ҳисобида доғда қолдирилганди. Шу тариқа ўтган мавсумдаги натижа яхшиланди. Аввалги мавсумда ушбу тоифада жамоамиз бронза медалларга эга чиққанди. Ажойиб муваффақият билан ёш футзалчиларимизни табриклаб, уларнинг келажакда бундан улканроқ ғалабаларга эришишига ишониб қоламиз.