Клуб янгиликлари

"Пахтакор" футзал жамоаси олий лига 3-тур баҳсларини ажойиб муваффақият билан бошлади.

"Қўқон-1912" футзалчиларига қарши ўйнаган Шуҳрат Тошмедов шогирдлари ҳужумкор ва голларга бой баҳс ўтказишди. Кетма-кет хавфли вазиятлар ташкил қилган жамоамиз биринчи бўлимдаёқ ўйин тақдирини ҳал қилишга эришди. Қўқонликлар дарвозасига ўйин якунигача 9 тўп киритилди. Акбар Усмонов ва Аваз Абдувалиев хет-трикка эришган бўлса, икки гол Фарҳод Абдумавлонов ҳисобига ёзилди. Яна бир тўпни Дилмурод Шавкатов киритди. Бунга рақиб икки гол билан жавоб қайтарди. 9:2 ҳисобидаги ғалабадан кейин "Пахтакор" пешқадамликни давом эттирмоқда.

3-турнинг иккинчи ўйинида жамоамиз эртага АГМК билан баҳс олиб боради. Беллашув соат 13:30да "Ўзбекистон" спорт мажмуасида бошланади.

Ҳакамлар: А.Рубаков, Ф.Азизов, Н.Афиногенов.

"Қўқон-1912": Зиёев, Сафоев, Қирғизов, Тўхтабоев, Диёр Каримов.

Захира: Дилмурод Каримов, Мадалиев, Толипов, Абдураҳимов, Назиров, Рўзматов.

"Пахтакор": Ҳазратқулов, Одилов, Усмонов, Абдувалиев, Свиридов.

Захира: Ирсалиев, Жўраев, Абдумавлонов, Ражабов, Шавкатов, Иброҳимов, Зоиров, Маҳмудов.

Голлар: Абдумавлонов 17-авт, Тўхтабоев 26 - Абдумавлонов 11, 18, Шавкатов 15, Усмонов 19, 32, 38, Абдувалиев 20, 34, 40.