Клуб янгиликлари

"Пахтакор" 12-чемпионлик ортидан 12-кубок сари қадам ташламоқда!

Клуб янгиликлари

26 октябрь куни ўз тарихида 15-марта Ўзбекистон Кубоги финалида майдонга тушадиган "Шерлар" навбатдаги соврин томон юзланмоқда. АГМКга қарши "Локомотив" стадионида кечадиган финалда "Пахтакор" яқинда қўлга киритилган чемпионликдан кейин мухлисларини кубок соврини билан ҳам хурсанд этишни кўзламоқда.

Бўлажак ўйинда жамоамиз ўтган йилги финал учун реванш олишига умид қиламиз. Ўша куни мухлислар нафақат чиройли футбол, балки ажойиб лазер шоуга ҳам гувоҳ бўлишлари мумкин.

Олтин дубл сари олға бораётган "Шерлар"ни Ўзбекистон Кубоги финалида қўллаб-қувватланг! 26 октябрь, соат 17:00да "Локомотив" стадионида бошланадиган финалда жамоамиз билан навбатдаги соврин сари биргаликда қадам ташланг. 12-кубокни "Локомотив"да қўлга киритиш сари олға!