Клуб янгиликлари

Бугун "Пахтакор" стадионида жамоа сафига янги келиб қўшилган ўйинчилар ишқибозларга таништирилди.

"Пахтакор" ва "Сўғдиёна" ўртасидаги назорат беллашувидан аввал шартнома имзоланган тўрт нафар янги футболчи - Фарруҳ Сайфиев, Акмал Шораҳмедов, Баҳром Абдураҳимов ва Дилшод Раҳматуллаев, шунингдек, ижарадан қайтган Егор Кримец ва Жалолиддин Машарипов мухлисларга таништириб ўтилди. Бу футболчилар жамоамиз таркибида Туркияда ўтказилган ўқув-йиғин машғулотларида иштирок этишга улгуришди.

Улар "Пахтакор" сафида қуйидаги рақамли либосларда ўйнашади:

Сайфиев - 34

Шораҳмедов - 2

Абдураҳимов - 18

Раҳматуллаев - 8

Кримец - 15

Машарипов - 9

Таништириш маросимидан кейин футболчилар стадионга келган ишқибозларга футбол тўплари ва жамоа либосларини совға сифатида тақдим этишди.