26-08-10
Бекободда "Металлург" ўринбосарларига 2:3 ҳисобида имкониятни бой берган ёшларимиз мавсумдаги иккинчи мағлубиятларини тан олишди.
Кескин ўтган беллашувда мезбонлар ҳисобни очишди. Аббос Абдуллаевнинг зарбаси майдон эгаларини олдинга олиб чиқди. Бу голга Акрам Баҳриддинов жавоб берган бўлса, иккинчи таймда Иномжоновнинг аниқ зарбасига Рўзим Аҳмедов пенальтидан унумли фойдаланиб жавоб қайтарди. Бироқ 67-дақиқада Владимир Козак кутилмаганда ўз дарвозасини ишғол қилиб қўйди ва бу гол учрашувдаги сўнгги гол бўлди. Натижада ўринбосарларимиз аутсайдерлардан биридан енгилишди.
"Динамо"ни 3:0 ҳисобида енгган "Нефтчи" ўртадаги фарқни олти очкога қисқартирди. Ҳозир Владимир Андреев шогирдлари ҳисобида 42, фарғоналикларда эса 36 очко мавжуд. Навбатдаги беллашувни ёшларимиз 28 август куни "Локомотив"га қарши ўтказишади.
Ўринбосарлар
«Металлург» - «Пахтакор» - 3:2 (1:1)
Бекобод. 418 томошабин.
Ҳакам: Темур Тўхтасинов (Андижон) - 7,8.
Назоратчи: Раҳим Мўминов.
Голлар: А. Абдуллаев (14), Иномжонов (58), Козак (67, автогол) - А. Баҳриддинов (29), Р. Аҳмедов (63-пен).
Огоҳлантиришлар: А. Абдуллаев (44), Тиллабоев (49), Ибрагимов (63), Тошматов (89) - Мирҳайдаров (50), Козак (80).
|
