- Рақибларимизни ва уларнинг мухлисларини ҳалол футбол кўрсатганлари билан табриклайман. Мезбонлар таркиб борасида муаммога эга эдилар. Бу уларга салбий таъсир қилди. Шогирдларим намойиш қилган ўйиндан кўнглим тўлди. Улар тактик ва техник жиҳатдан ажойиб ҳаракат қилишди. Футболчиларни қўллаб турган мухлисларимизга миннатдорчилик билдираман. Бугунги ғалабани айнан уларга бағишлаймиз, - деди Миодраг Радулович.

- Заҳира футболчиларини майдонга тушириш аввалдан режалаштирилганмиди? Шунингдек, ҳакамнинг ўйин охиридаги қарорини қандай изоҳлайсиз?
- У ёки бу футболчини алмаштиришни аввалдан режалаштириш мушкул. Уларни вазиятга қараб амалга оширдик. Агар ҳисобда ортда қолаётганимизда бошқача вариантларга гувоҳ бўлишингиз мумкин эди. Ҳакамнинг қарорини эса умуман тушунмадим. Буни ундан бошқа ҳеч ким тушунмаган бўлса ҳам керак.

- Танаффусдан кейин жамоа жуда яхши ўйнади. Шогирдларингизга иккинчи бўлим олдидан қандай маслаҳат бердингиз?
- Биринчи бўлимдан кейин кўпроқ ташаббусга эга бўлдик ва осонроқ ўйнадик. Рақибларнинг ўйин услубини янада яхшироқ ўргандим ва танаффусда футболчиларга қандай ўйнаш кераклигини айтдим. Натижада тезда гол урдик ва уч очкога эга бўлдик.

- Бугунги ғалабадан сўнг гуруҳдаги вазиятни ва жамоангиз имкониятларини қандай баҳолайсиз?
- Биз илк учрашувда уч очколик бўлдик. Жавоб ўйинида ҳам рақибларимизни енгишга ҳаракат қиламиз. Аммо гуруҳда энди биринчи тур ўтказилди. Ҳали ҳамманинг имконияти бор. Мен "Ал Айн"нинг жароҳатланган футболчилари тезроқ соғайиб, сафга қайтишларини тилайман.