07-07-10
Айни кунларда жамоамиз аъзолари давралар оралиғидаги танаффусдан фойдаланиб ҳордиқ чиқаришмоқда.
Маълумки, биринчи давра мобайнида бир неча футболчилар турли муддатларда жароҳат олиб жамоага ёрдам беришмади ва бу ҳолат натижаларга ҳам салбий таъсир қилди. Клубимиз шифокори Барот Элмуродовга мурожаат қилиб, ҳозирда жароҳатланган футболчиларнинг аҳволи билан қизиқдик.
- Бир неча кун аввал дарвозабон Темур Жўраев муваффақиятли операция қилинди. Уни ўнг тиззаси безовта қилаётганди. Июлнинг иккинчи ярмида Темур машғулотларда шуғулланишни бошлаб юборади. Илҳом Суюнов эса 10 июлдан машғулотларга қўшилади. Камолиддин Тожиев ва Ғулом Ўруновда тикланиш жараёни давом этмоқда. Тожиев иккинчи давра бошиданоқ майдонга тушиш имкониятига эга. Ғулом эса август ойида сафга қайтади. Умид қиламанки, жароҳатлар ортда қолди, - дея таъкидлаб ўтди Барот Элмуродов.
|
