19-07-10
Жамоамизнинг давралар оралиғида Чимёнда олиб борган тайёргарлик йиғини ниҳоясига етмоқда. Чимёнда футболчилар кунига икки маҳалдан жисмоний тайёргарлик бўйича машғулотларда қатнашишди. Баъзи кунлари Қибрайдаги майдонда техник-тактик машқлар бажарилди. Эртага эса Равшан Ҳайдаров бошчилигидаги жамоамиз Қибрайга қайтади. 1 августга қадар учта синов учрашуви ўтказилиши мўлжалланмоқда. Дастлаб 20 июль куни асосий таркиб ўринбосарлар билан майдонга тушса, 24 июлда Бекободнинг "Металлург" клуби меҳмон бўлади. 27 июлда яна бир ўйин бўлиб ўтиши режалаштирилган. Рақиб ким бўлиши тез кунларда ҳал этилади. 1 август куни эса "Пахтакор" олий лиганинг 14-тури доирасида Зарафшонда "Қизилқум" меҳмони бўлади.
Жароҳат олган футболчиларимиздан фақатгина Темур Жўраев сафга бироз кеч қўшилади. Ойоғини операция қилдирган дарвозабонимиз чамаси бир ойдан сўнг якка тартибдаги машғулотларга киришади.
|
